Qafqaz Universiteti qızıl kateqoriyada mükafata layiq görülmüşdür
03 May, 2012, Qafqaz
Universiteti 29-30 aprel tarixlərində Almaniyanın Frankfurt şəhərində
keçirilmiş Keyfiyyət üzrə BID Beynəlxalq Konvensiyasında “International Arch of Europe”
nominasiyası üzrə qızıl mükafata layiq görülmüşdür. Konvensiyada
universitetin biznes dünyası ilə qurduğu işgüzar münasibət və təhsil
sektorunda göstərdiyi fəaliyyət “International Arch of Europe”-un
əsasnaməsi və QC100 – Keyfiyyətin Ümumi İdarəedilməsi Modelinin
meyarları əsasında yüksək qiymətləndirilmişdir. Mükafatlandırma
mərasiminin təşkil olunduğu yığıncaqda 70-dən artıq ölkədən olan
şirkətlərin rəhbərləri, o cümlədən Qafqaz Universitetinin rektoru,
professor Ahmet Saniç iştirak etmişdir. Tədbir “İmarPress”-ə daxil olan
26 media şirkəti tərəfindən işıqlandırılmışdır.
BID
təşkilatı davamlı olaraq keyfiyyət və idarəetmə sahəsində lider sayılan
və seçilmiş şirkətlərə səs verən korporasiyalar arasında fasiləsiz
sorğu həyata keçirir. Beynəlxalq BID mükafatları QC100 TQM (Keyfiyyətin
Ümumi İdarəedilməsi) kriteriyaları əsasında təqdim edilir, hansıki bu
meyarlar biznes sahibkarlarının və şirkətlərin proses, servis və
təşkilati sistemlərinin inkişaf etdirmə qaydaları kimi xarakterizə
edilə bilər. BID QC100 Keyfiyyətin Ümumi İdarəedilməsi modelinin
uğurlu həyata keçirilməsi üçün əsas addımlar: təşkilat olaraq
keyfiyyəti hədəf götürmək, müştəri məmnuniyyəti, təşkilati sistem
səmərəliliyi, innovasiya, texnoloji yenilik, cəmiyyətdə liderlik, və s.
kimi vurğulana bilər.
“Business
Initiative Directions” (BID) iş dünyasında keyfiyyət baxımından yüksək
göstəricilərə sahib olan şirkətləri mükafatlandıran nüfuzlu
qeyri-hokumət təşkilatıdır və son 26 ildə müxtəlif nominasiyalar üzrə
117 ölkənin qabaqcıl şirkətlərini mükafatlandırmışdır. Bu şirkətlər
ötən il müxtəlif vaxtlarda Paris, London, Madrid, Cenevrə, Frankfurt və
Nyu-Yorkda “BID Ümumdünya Konqresi” adı altında bir araya gəlmişdir.
Həmin görüşlərdə iştirak edənlər yeni mükafat veriləcək şirkətləri
təklif etmişdirlər. Namizədlər 21 adda müxtəlif keyfiyyət göstəriciləri
(idarəetmə, tədqiqat və inkişaf, innovasiya, davamlı təhsil və s.)
əsasında incələnmişdir. Beynəlxalq Seçki Komitəsi bu göstəricilərdən azı
5-i üzrə yüksək dəyər qazanan namizədləri qalib elan etmişdir.