Liseylərarası VII spartakiada keçirilib
“Sərhədçi”
Olimpiya İdman Kompleksində ümummilli lider Heydər Əliyevin 89 illiyinə
və Türkiyənin 19 may Gənclik və İdman bayramına həsr olunmuş
Liseylərarası VII spartakiada keçirilib. Spartakiadada 11 özəl liseyin
eləcə də Diyanet və Anadolu liseylərindən 240 şagirdin iştirak etdiyi
yarışda məktəblilər idmanın güləş, futbol, tennis, şahmat və qaçış növü
üzrə güclərini sınamışlar.
Qələbə uğrunda mübarizə aparan liseylərin
komandalarından tennis üzrə Gəncə Azərbaycan-Türkiyə Özəl Liseyi 1,
Lənkəran Özəl Türk Liseyi 2, Şəki Azərbaycan-Türkiyə Özəl Liseyi 3,
şahmat üzrə Sumqayıt Özəl Türk Liseyi 1, Lənkəran Özəl Türk Liseyi 2,
Anadolu liseyi 3, 60 m. qaçış üzrə Sumqayıt Özəl Türk Liseyi 1, Bakı
Özəl Türk Liseyi 2, “Dədə Qorqud” Özəl Türk Liseyi 3, 1500 m. qaçış üzrə
Mingəçevir Özəl Türk Liseyi 1, Gəncə Azərbaycan-Türkiyə Özəl Liseyi 2,
Lənkəran Özəl Türk Liseyi 3, güləş üzrə Bakı Özəl Türk Liseyi 1,
Sumqayıt Özəl Türk Liseyi 2, Gəncə Azərbaycan-Türkiyə Özəl Liseyi və
Şirvan Özəl Türk Liseyi 3, futbol üzrə “Dədə Qorqud” Özəl Türk Liseyi 1,
Diyanet liseyi 2, Gəncə Azərbaycan-Türkiyə Özəl Liseyi 3, Sumqayıt Özəl
Türk Liseyi 4-cü yerləri tutmuşlar.
İdmansevərlərə
maraqlı və həyacan dolu anlar yaşadan məktəblilərin spartakiadasında
“Çağ” Öyrətim İşlətmələri İdarə Heyətinin sədri Dr. Enver Özeren,
Azərbaycan-Türkiyə Özəl Liseyləri Baş İdarəsinin rəhbərləri Arif
Gömleksiz, Mesut Kurnaz, Azərbaycan Basketbol Federasiyasının Baş
Meneceri Levent Türknas, Azərbaycan Basketbol Milli komandasının baş
məşqçisi Elxan Əliyev, Azərbaycan Güləş Federasiyasının vitse-prezidenti
Elçin Cəfərov və bir qrup təhsil müəssisə rəhbərləri iştirak ediblər.