Liseydə hüquq gecəsi
Şirvan
Özəl Türk Liseyi şagirdlərin tərbiyəsində hüquqi biliklərin təbliği,
şagirdlərin hüquqpozmalar və onların nəticələri ilə bilgiləndirilməsinə
xüsusi əhəmiyyət verir. Bu məqsədlə də məktəbdə tez-tez hüquq mühafizə
orqanlarının rəhbərləri, nümayəndələri ilə görüşlər maarifləndirmə
tədbirləri həyata keçirilir.
Bu
günlərdə Şirvan Şəhər Prokuroru Həsən Hənfəyev və böyük köməkçisi
Tural Qəhrəmanov Şirvan Özəl Türk liseyində müəllim və şagirdlərlə
görüşüblər. Görüş zamanı prokuror H. Hənfəyev və köməkçisi T. Qəhrəmanov
görüş iştirakçıları ilə Azərbaycan gəncliyi və cinayətə aparan yollar
barədə ətraflı söhbət açıblar. Gənclər eləcə də şagirdlər arasında hər
hansı bir cinayət hadisəsinin baş verəməməsi üçün lazımi maarifləndirmə
tədbirlərinin keçirilməsinin zəruriliyindən, valideynlərin və
müəllimlərin müəyyən məsuliyyət daşıdıqlarını bildiriblər. Məktəblilərə
dərslərini əla oxumalarını və ölkəmizə layiqli vətəndaş kimi
böyümələrini arzulayiblar. Sonra qonaqlar şagirdləri maraqlandıran
sualları cavablandırıblar.