Azərenerji gənc və bacarıqlı mütəxəssislərə əhəmiyyət verir
04 May, 2012, Azərenerjinin nümayəndələri Qafqaz
Universitetində tələbələrlə görüşdülər. Görüşdə Azərenerji
İnvestisiyalar İdarəsinin Layihələrin təhlili və qiymətləndirilməsi
şöbəsinin rəisi Famil Əliyev Azərenerjinin ümumi potensialı və dünyada
mövcud olan enerji şirkətləri arasındakı yüksək mövqeyindən və sürətli
inkişaf strategiyasında bəhs etdi.
Təqdimatın ikinci hissəsində
Azərenerjidə karyera imkanları haqqında məlumat verildi. Görüşdə
Azərenerjinin səlahiyyətli nümayəndələri Rəşad Əliyev, Günay Ələkbərova
və Fərrux Əliyevin də iştirakı ilə tələblərin verdiyi suallar
cavablandırıldı
Qeyd edək ki, hazırda Azərenerji iri, inkişafda olan, sabit bir
şirkətdir. Bu gün yeni iri miqyaslı layihələrdə peşəkarlarla yanaşı
tələbələr, gənc mütəxəssislər də iştirak edir. Azərenerji gənc
mütəxəssislər üçün yeni təcrübə, bacarıqlar qazanmaq, öz bilik və
bacarıqlarını tətbiq etmək baxımından çox cəlbedicidir.
Burada böyük iş
təcrübəsinə malik yüksək peşəkarlıqlı mütəxəssislər arasında olmaq, ölkə
miqyaslı layihələrdə iştirak etmək, karyera baxımından irəliləmək
imkanları nəinki gənc mütəxəsisləri, hətta çox illik iş təcrübəsi
olanları da şirkətə cəlb edir.
Dos. İsa Qasımov