Şamaxı “Araz” Kursları



Ali məktəblərə qəbul olmaq üçün abituriyentlərə orta məktəbdə əldə etdikləri bilik və bacarıqlarını xüsusi hazırlıqla yenidən möhkəmləndirmək və artırmaq lazım gəlir. Bunun üçün onlar daha çox hazırlıq kurslarına müraciət edirlər.
 
 Bu sahədə ölkədə abituriyentlərin ən çox üz tutduqları yer “Araz” Hazırlıq Kurslarıdır. Respublikamızdakı 12 kursdan biri də Şamaxı şəhərində uğurla fəaliyyət göstərir.  Kursumuzda Şamaxı ilə yanaşı, Ağsu, İsmayıllı, Qobustan və digər rayonlardan gələn abituriyentlər təhsil alırlar. Uğurlarımız böyükdür. Təkcə onu demək kifayətdir ki, 2010-2011-ci tədris ilində Şamaxı rayonundan ali məktəblərə 600-dən yuxarı balla qəbul olan abituriyentlərin hamısı Şamaxı Araz Kursunun dinləyiciləri olmuşlar. Müəssisəmizin qazandığı uğurlar burada çalışan peşəkar müəllimlərimizin fədakar əməyinin nəticəsidir. 2003-cü ildən bəri hər il  qəbul imtahanlarında Şamaxı birinciləri çıxaran kursumuzun əsas məqsədi respublika birincisi, prezident təqaüdçüləri yetişdirməkdir.    
Kollektivimizin üzvlərinin əksəriyyəti  gənc, savadlı və təcrübəli müəllimlərdir. Təhsil ocağımızda çalışan kadrların öz ixtisaslarını yüksək səviyyədə bilməsinə xüsusi fikir verilir. Kursumuza müəllim seçimi iki istiqamətdə aparılır. İxtisas imtahanından uğurla keçən müəllimin dərsi kurs rəhbərliyi və fənn metodistləri tərəfindən dinlənildikdən sonra işə qəbul olunur. Peşə hazırlıqlarını artırmaq üçün müəllimlərimiz üçün mütəmadi olaraq seminarlar təşkil edilir. Bu məqsədlə hər rübdə zona, il ərzində isə üç dəfə respublika üzrə seminarlar təşkil olunur. Müəllimlərin həvəslə qatıldıqları bu fənn seminarlarında tədrisin nəzəri və praktik məsələləri müzakirə edilir. Bu seminarlarda kursumuzun müəllimləri də fəal iştirak edirlər.
Kollektivimizin hər bir üzvü savadlı və peşəkar olmaqla yanaşı,  təmiz və səliqəli geyimləri, gülərüzlü olmaları və mehribanlıqları ilə abituriyentlərin sevgi və rəğbətini qazanmışlar. Bütün bunların nəticəsidir ki, kursumuz yerli əhalinin xüsusi rəğbət bəslədiyi, güvəndiyi, öz övladlarını heç bir tərəddüd etmədən əmanət etdikləri bir təhsil ocağına çevrilmişdir. Bizə olan bu etimadı doğrultmaq üçün səylə və əzmlə çalışırıq.
Kursda 9, 10 və 11-ci sinif şagirdləri qruplar üzrə hazırlaşırlar. Dərslər qız və oğlan sinifləri ayrı olmaqla, tədris edilir. Qruplar üzrə 9-cu siniflərə həftədə 12 saat, 10-cu siniflərə 15 saat, 11-ci siniflərə isə 18 saat dərs keçirilir. Kursda hazırlaşan dinləyicələrə Araz Yayınlarının bütün vəsaitləri - dərs vəsaiti, test bankı, aylıq dərgi və kuizlər (mövzu testləri) pulsuz verilir. Bundan əlavə, ildə 6 dəfə mövzu sınaq imtahanları (MSİ) və 3 dəfə də ümumi sınaq imtahanları (ÜSİ) keçirilir. Sınaq imtahanlarında dinləyicilərimiz pulsuz iştirak edirlər. Bütün imtahanlar fənn müəllimləri və sinif rəhbərləri tərəfindən analiz edilir və nəticələri haqqında valideynlərə ətraflı məlumat verilir. Bu il Araz Kursları daha bir yeniliyə imza atmışdır. Belə ki, abituriyentlər sınaq imtahanlarından bir neçə saat sonra www.araz.edu.az  saytının “video həllər” linkindən istifadə etməklə, bütün sualların düzgün izahını öyrənə bilərlər.
Kursda tədrisin üstünlüyü ondadır ki, hazırlığa kompleks şəkildə yanaşılır, bütün fənnlərin yüksək səviyyədə şagirdlərə mənimsədilməsinə önəm verilir. Vaxt itkisinə yol verilmir. Burada hazırlaşmağın digər üstün cəhəti isə  şagirdlər arasında rəqabət mühitinin hazırlanmasıdır. Sınaq imtahanlarında 600-dən çox bal toplayanlar, hər fəndən 100% müsbət nəticə göstərənlər və imtahan hədəf balını keçənlərə  hədiyyələr verməklə  onları  daha da yaxşı oxumağa həvəsləndiririk. Şagirdləri ali məktəblərin qəbul imtahanına psixoloji cəhətdən hazırlayır, onlara ərizə qəbulunda və ixtisas seçimində köməklik göstərməyə çalışırıq.
Bilik və bacarıqlarını artırmaq istəyən hər bir 8, 9 və 10-cu sinif şagirdi kursumuzun təşkil etdiyi qəbul imtahanlarında iştirak etməklə və lazım olan balı toplamaqla, bizdə oxumaq arzularını reallaşdıra bilər. Kursa qəbul imtahanlarında hər sinifdən və qrupdan ilk  yerləri tutanlara kursda oxuyacağı təqdirdə təhsil haqqından bir sıra güzəştlər olunur. Növbəti qəbul imtahanımız aprelin 15-də keçiriləcək.
Şagirdlərimizin oxumaq həvəsini  artırmaq üçün hər il ənənəvi Bilik yarışı keçiririk. Bu il də dekabrın 25-də Azərbaycanın müstəqilliyinin və şirkətimizin 20 illiyi münasibətilə 8 və 9-cu sinif şagirdləri arasında Bilik yarışı təşkil ediləcək. Şagirdlərin bilik və bacarıqlarını üzə çıxaran bu yarışmada ilk 3 yeri tutan şagirdlər həm  qiymətli hədiyyələr qazanacaq , həm də növbəti tədris ilində kursda oxuyacaqları təqdirdə illik təhsil haqqında müxtəlif güzəşt əldə edəcəklər. Yarışmada şagirdləri daha fəal iştirak edən  məktəblərə də hədiyyələr verilməsi nəzərdə tutulmuşdur.  
http://www.zaman.az/az/newsDetail_getNewsById.action?newsId=41724

Bu blogdaki popüler yayınlar

Azerbaijan - GOV - Azerbaijan to Host an International ICT Conference

The 3rd International Conference on Application of Information and Communication Technologies (AICT2009) will be held in Baku on the October 14-16, 2009. The conference invites high-quality recent research results in the areas of Information and Communication ICT in Emergency services and disaster recovery, ICT in Education and businesses, ICT in Research, ICT in security, ICT in Health care services and bio-informatics, Home and Health networking, ICT in governments, Electronic commerce, Mobility and Mobile Payments, Broadband access, satellite services, rural communications, Mobile and Wireless Communications, optical communications and networking, architectures, protocols, planning and design, ICT in management and modeling, analysis, simulation and performance evaluation and test results. The main goal of the conference is to bring together scientists and engineers who work and teach in these specialized fields to submit recent papers and come together in this geographi
More>>> Devamı>>>

Özəl və dövlət ali təhsil məktəbləri arasındakı fərq

Resim
Mətn ölçüsü:   Son dövrlər Azərbaycanda özəl universitetləri çıxmaq şərtilə, dövlət ali məktəblərində demək olar ki, rəqabət olmadığından bir çox tələbə işəgötürənlər tərəfindən qəbul edilmir. Nəticədə min bir əziyyətə qatlaşaraq dövlət universitetini bitirib diplom alan tələbə iş tapa bilmir. O da faktdır ki, bir çoxları nəyin bahasına olursa-olsun saxta diploma belə əl ataraq işə qəbul edilir və nəticədə yenə təhsilin tədrisi təhlükə altına düşür. Pullu təhsildən bu sahədə biznes quranların daha çox qazanmasına keç kəs irad tuta bilməz. Amma pullu təhsilin cibi boş olan savadlı və istedadlı gənclərin yolunu bağladığı da gerçəklikdir. Yaxşı, görəsən hazırda gənclərin təhsilə marağı hansı səviyyədədir və ümumiyyətlə nə üçün Azərbaycanda özəl təhsil, dövlət hesabına təhsili sıxışdırır? Bu hal Azərbaycanla müqayisədə xarici ölkələrdə necədir? Əməkdaşımız Aynurə Sultan ali təhsilin hazırkı vəziyəti ilə bağlı bu və digər suallara cavab tapmağa çalışıb.
More>>> Devamı>>>

Ən yüksək keçid balı Qafqaz Universitetinin birinci qrupuna daxil olan kompüter mühəndisliyi ixtisasındadır

Resim
Tələbə Qəbulu üzrə Dövlət Komissiyası (TQDK) 2011-2012-ci tədris ili üçün tələbə qəbulu ilə bağlı elmi-statistik təhlilin nəticələrini açıqlayıb. TQDK sədri Məleykə Abbaszadə bildirib ki, bu il ali təhsil müəssisələrinə qəbul imtahanlarında 5433 abtituriyent 500-dən, o cümlədən 1540 abitruiyent 600-dən yuxarı bal toplayıb. M.Abbaszadə abituriyentləri yüksək nəticələr göstərən bölgələrin də müəyyənləşdiyini qeyd edib. Onun sözlərinə bunlar əsasən respublikanın 72 bölgəsini təmsil edir. “Bakı, Sumqayıt, Naxçıvan şəhərləri, o cümlədən Qax, Ordubad, Qəbələ, İsmayıllı rayonlarından ali məktəblərə imtahan verən abituriyentlərin bal göstəriciləri yüksək olub. Bu bölgələrdən ali təhsil müəssislərinə sənəd verən hər 100 nəfər gəncin 6-9-u imtahanlarda 500-dən yuxarı bal toplayır. Bu göstəricidə rayonlar üzrə Qax liderlik edir. Qax abituriyentlərinin topladığı bal orta hesabla 255-dən yuxarıdır. İmtahanlarda ən aşağı balı İmişli, Ağsu, Hacıqabul rayonlarının abituriyentləri
More>>> Devamı>>>